Inhlelo zamalunga
Wasara-Wasara Savings Club
Izakhamizi zakoSeke esabelweni seMashonaland East ziphatheka ehlelweni lokutshayelana imali zincediswa yinhlanganiso yeSelf Help Development Foundation (SHDF).
Abeqembu leWasara-Wasara esiqintini seZhangira khonangale koSeke bayajabula kakhulu ngoba bathi sebethole inkululeko kwezomnotho. Abanengi bathi basebenzisa imali abayitholayo ukuthenga okukulimisa lokunye nje okudingakala ngekhaya. Omama bakulindawo baveze ukuthi ukubamba eyabo imali sokubanike isithunzi njalo sokwehlise lengxabano phakathi kwabo labomkabo.
UNkosikazi Lucia Nhapi oleminyaka engamatshumi amane lambili, 42, olilunga leqembu leWasara Wasara kusukela ngomnyaka ka 2015 uthi, “Imali engiyithola ngokutshayelana labanye iyanginceda kakhulu , ngiyisebenzisa ukuthenga inhlanyelo lokunye okokulimisa. Ukwenelisa kwami ukwenza imali sokwehlise ingxabano phakathi kwami lomkami.”
Muchaneta Mushonga
UNkosikazi Muchaneta Mushonga oleminyaka engamatshumi amane lesitshiyagalombili (48) ohlala esiqintini seZhangira koSeke, ungumama ozimeleyo nxa sikhangela ezomnotho.
Uthi uncediswa kakhulu yinhlanganiso yeSHDF endabeni zokutshayelana imali lokuthola izifundo ngokunye okunengi kuma Study Cicle. UNkosikazi Mushonga uthi , “Ngiyathola ulwazi kwezokulima lokutshayelana imali ezifundweni esiziphiwa ngabe SHDF. Ngifuya inkukhu, inkomo lembuzi ngingumlimi njalo, ngiba lesivuno esihle minyaka yonke ngenxa yezifundo engiziphiwa ngabe SHDF.”
Chikomborero Gutsa
Eminyakeni edlulileyo UNkosikazi Chikomborero Gutsa oleminyaka engamatshumi amane lasikhombisa (47) labantwana abathathu, wakhanda icebo lokwenza imali njengowesifazane ukuze enelise ukuphathisa imuli yakhe.
UNkosikazi Gutsa uthi wancediswa yinhlanganiso yeSHDF elentshantshu esizisiza abantu ngenhlelo zokugcina imali kuma Savings Clubs. “AbeSHDF bangifundisa ukugcina imali lokwenza eminye imisebenzi yezandla. Sengisenelisa ukwenza impuphu yelambazi ngisebenzisa umumbu, amabele, irayisi, amazambane, lendumba isoya beans.Ilambazi eliphekwe ngempuphu le lithakazelelwa ngabanengi bakuleli langaphandle kwelizwe. Okwathesi ngibhekane lohlupho lokuthi impuphu le kumele iyehlolwa ngabogatsha lwezempilakahle, Ministry of Health kufunakala i$250, ngingayibhadala kuzangisiza kakhulu ngoba ngizenelise ukuthola imali engcono ngokuthengisa limpuphu ngentengo engcono.
Gladmore Chikoto
UMnumzana Gladmore Chikoto oleminyaka engamatshumi amathathu lanhlanu, ohlala esiqintini sakoChanakira khonangale koSeke, uthi kazange ake aqhatshwe ngomunye umuntu empilweni yakhe kusukela ekuqedeni kwakhe isikolo. UMnu. Chikoto uthi wavula umsika ngomnyaka ka 2004 koMakoni eChitungwiza endaweni enkulu yokutengisela, ngalesosikhathi uthi wayesaselijaha elisakhulayo.
“Ngaqalisa ukuthengisa koMakoni ngomnyaka 2004, ngangilomsika wami engangithengisa khona izilimo ezitshiyatshiyeneyo. Abantu babethenga sibili kodwa ngananzelela ukuthi ngangilahlekelwa yimali enengi nxa ngisiya woda ngoba izilimo zazibiza. Ngomnyaka ka2012 ngaqala ke ukuzilimela ngedwa izilimo zokuthengisa emsikeni wami ngasengiqhatsha umutnu owayethengisa emsikeni mina ngagxila kakhulu ekulimeni. Ngaqala ke ukwenza imali engcono kakhulu njalo ngangincediswa kakhulu ngabeSHDF ngamaqhinga okuthi ibhizimusi lami liphumelele.” UMnu. Chikoto uhlala lomkakhe labantwana abayisithupha.
Ngajabula kakhulu ukuba ngumama osezimele kwezomnotho kodwa angizange ngithande ukutshiya umuzi wami ngiyehlala edolobheni ngafaka amaloja kungakho ngithola imali evela emalojeni ekupheleni kwenyanga njalo imali esengiyithola isisiba nengi sengihlanganisa laleyi engiyizuza kubhizimusi lami lenkukhu.