Uhlelo lweSHDF lokufundisa ngemabhizimusi soluguqule impilo zabanengi
UNkosikazi Stanencia Mutendera uleminyaka engamatshumi amane lesithupha uhlala endaweni yakoSeke kuward 2 bucwadlana leDema Growth Point. UNkosikazi Mutendera ngumama olabantwana abane.
Eminyakeni edlulileyo uNkosikazi Mutendera lomkakhe babengasebenzi bencediswa yimali encane ababeyithola ngemva kokuthengisa imibhida eDema. Imuli le yayiloja ingelandlu ebiza yona. NgoZibandlela womnyaka ka2015 uNkosikazi Mutendera wangena ehlelweni lokuzincedisa olwaluqoqwe ngabe Self Help Development Foundation (SHDF) wasehlanganelana labanye omama besigabeni sakhe abayisitshiyagalolunye basungula iqembu lokuzincedisa elithiwa yi“Progress 1”.
Baqala ke ukugcina imali njengeqembu ngeviki, kulapho ke uNkosikazi Mutendera athola khona ithuba lokuboleka imali eqenjini lakhe waseqala ibhizimusi yokufuya inkukhu. Umkakhe ke yena wasungula ibhizimusi lokube esiyawoda impahla eSouth Africa ethengisa.
Bobabili bathola izifundo kwabeSHDF ezigoqela ukwenza ibhizimusi, ukufuya inkukhu kanye lendlela zokugcina amarekhodi (Business management, poultry management and record keeping). Ngokuqhubeka bethola ulwazi kwabeSHDF UNkosikazi Mutendera lomkakhe sebengosomabhizimusi sebethola imali engamakhulu ayisitshiyagalombili kusiya emalini efika amakhulu ayisitshiyagalolunye ($800 to $900).
Ehlelweni lwayo olokufundisa ngokusungula kanye lokuqhutshwa kwamabhizimusi i(Entrepreneurship and Business Development Programme (EBDP), inhlanganiso yeSHDF yenelisa ukuxhumanisa uNkosikazi Mutendera lamavinkili amakhulu akuleli iOK Mart le TM ngakho usethengisela amavinkili la inkukhu ezifika amakhulu amabili ngemva kwamaviki amabili.
Ngemva komnyaka owodwa limuli yenelisa ukugcina imali ezinkulungwane ezilitshumi lanye ($11.000). Limali bayisebenzisa ukuthenga indawo enkulu lapho asebayakha khona indlu yabo elamakamelo ayisikhombisa. “Impilo yemuli yami isithuthukile. Sesihlala endlini yethu entsha ngokuthokoza.” kutsho uNkosikazi Mutendera.